Tuesday, 15 October 2019

Tanah NCR Sarawak : Nadai Belanja Ungkup Nyukat Tanah NCR Kitai

MASING : Nadai Belanja Ungkup Nyukat Tanah NCR di Sarawak Tok 



MIRI : Agih belanja nadai agi ungkup pengawa nyukat tanah Hak Adat Bansa Asal (NCR) di Sarawak maya mantaika agih Belanja 2020 ari Menteri Wang, Lim Guang Eng Hari Lima tu tadi!

Sapit Kepala Menteri ke mega Menteri Infrastruktur enggau Pemansang Palan Penyangkai, Tan Sri Datuk Amar Dr James Jemut Masing, madahka perambu agih belanja nya ngasaka ati.
https://www.jacknjillscute.blogspot.com/

"Perkara ti ngasuh aku tekenyit iya nya, kitai nadai agih belanja ungkup nyukat perimeter NCR ba taun tu (agih Belanja 2020) taja ninting taun agih belanja nya bisi diungkup sepenyampau RM10 ngagai RM 20 juta. Pekara tu ngasa ati aku, " ku iya madah ngagai pemberi ditu, kemari.

"Pia mega aku ngumbai bisi dipadah belanja khas ungkup bala pekebun getah tang aku nadai meda pekara nya dalam rintai belanja sekali tu, sama baka (agih belanja) ba NCR, " ku iya.

Sentang agih belanja ba pemasang Masing madah, Sarawak bisi hak nerima belanja besai agi laban nengeri tu jauh tinggal pemansang ari sukut infrastruktur.

https://www.jacknjillscute.blogspot.com/

Nambahka nya, Sarawak nya nengeri ti mayuh mantu ba pemansang ekonomi menua nengah asil minyak enggau gis.

Taja ari puku rata nya, agih belanja menua nya manah agi enti diperati ngagai epedemik ekonomi dunya diatu, tang ba nengeri Sarawak nya agih belanja ke ngemuntanka.

Masing ngaku iya andal ba agih belanja besai agi ungkup pemansang infrastruktur di Sarawak, pengudah perintah Besai ngambi baru semua projek pemansang di menua pesisir sebedau tu.

"Abis nadai nya ulih mantu Perintah Nengeri ngemansangka kandang menua pesisir pengudah mayuh pemansang meua pesisir diambi baru ti ngujungka Perintah Sarawak ngeluarka belanja kediri nyambung pejalai projek nya. Aku ngarap sida ulih berundingka pekara nya, " ku iya agi.

https://www.jacknjillscute.blogspot.com/

Sentang jalai bukai Pan Borneo ke bedau tembu dipejalaika deka dipasuk ngagai projek Jalai Besai Trans-Borneo, Masing arap, Perintah Besai nitihka semaya sida ukai nya jaku aja.

"Nama utai ke disebut sida, kitai meda dulu, ni bagi jalai laban aku bedau nemu nya agi. Arap ke sida nitihka jaku ke udah disemaya laban kitai deka infrastruktur jalai nya tembu, " ku iya nambah.

Dulu agi ari tu, Masing bisi datai begulai enggau ketuai nengeri ba 'Istiadat Pengurniaan Darjah-Darjah Kebesaran Negeri Sarawak' ari TYT Yang di-Pertua Nengeri Sarawak, Tun Pehin Sri Abdul Taib Mahmud, ditu.- berita disunting

https://www.jacknjillscute.blogspot.com/


@ Jackie San

1 comment: